Skype-ը մայիսից անհասանելի կլինի. աղբյուր

Ամերիկյան Microsoft տեխնոլոգիական ընկերությունը մայիսին վերջնականապես կփակի Skype ծառայությունը, հայտնում է XDA պորտալը:

Նման ենթադրության համար հիմք է հանդիսացել Skype-ի նոր տարբերակի կոդի մի հատված, որը պարունակում է հետևյալ հաղորդագրությունը.«Մայիսից Skype-ն այլևս հասանելի չի լինի։ Շարունակեք զանգեր կատարել և զրուցել Teams-ով»:

Skype-ը գործարկվել է 2003-ին, իսկ 2011-ին այն ձեռք է բերել Microsoft-ը:  2017-ին Microsoft-ը գործարկել է Teams ծառայությունը՝ Skype-ի հիմքի վրա կառուցված համագործակցության հարթակ, որը նախատեսված է Slack-ի պես ծառայությունների հետ մրցելու համար: