Թողարկվել է նոր Android 16 օպերացիոն համակարգի բետա տարբերակը

Google կորպորացիան ներկայացրել է Android 16 օպերացիոն համակարգի (ՕՀ) չորրորդ բետա տարբերակը։ Այս մասին հաղորդվում է Android-ի մշակողների բլոգում։

Չորրորդ բետան Android 16-ի վերջին մշակումն է մինչև դրա հրապարակային թողարկումը: Google-ի ինժեներները չեն մանրամասնել ՕՀ-ի նոր առանձնահատկությունները՝ նշելով, որ բետա տարբերակը պարունակում է անվտանգության կարևոր ուղղումներ 2025 թվականի ապրիլի համար: Android 16-ի երրորդ բետա տարբերակը ներկայացվել էր մարտի կեսերին:

Ըստ Android-ի արտադրանքի կառավարման փոխնախագահ Մեթյու Մաքքալոուի, մշակողները և էնտուզիաստները վերջին հնարավորությունն ունեն ուսումնասիրելու թեստային մշակումը և ազդելու Android 16-ի ստեղծման գործընթացի վրա։

Ներկայումս օպերացիոն համակարգի թողարկված բետա տարբերակները կարող են տեղադրվել Google-ի, Iqoo-ի, Lenovo-ի, OnePlus-ի, Sharp-ի, Oppo-ի, Realme-ի, Vivo-ի, Xiaomi-ի և Honor-ի սարքերում:

«Նոր բետա տարբերակը վերջին քայլն է մինչև մայիսին կամ հունիսին Android 16-ի կայուն տարբերակի թողարկումը», - ընդգծել են հեղինակները: