13 անվանակարգ ու մրցանակակիր ընկերություններ. տեղի ունեցավ Career City Fest 2K25 փառատոնի ամփոփիչ փակ գալա ընթրիքն ու մրցանակաբաշխությունը (տեսանյութ, լուսանկարներ)

16:18 • 07.05.25

13 անվանակարգ, երաժշտական-պարային շոու ծրագիր, բարձր տրամադրություն.  տեղի ունեցավ Career City Fest 2K25-փառատոնի ամփոփիչ փակ գալա ընթրիքն ու մրցանակաբաշխությունը, որտեղ փառատոնի մասնակից ընկերություններն ու բանախոսներն արժանացան մրցանակների:  EVP SHOW-ի հանդիսատեսն ու Career City  Fest 2K25 -ի այցելուներն այս տարի հնարավորություն ունեին քվեարկելու իրենց ամենաշատը տպավորած ընկերությունների օգտին տարբեր անվանակարգերում և որոշել հաղթողներին: Քվեարկողները ևս հնարավորություն ունեին շահելու տարբեր նվերներ. երկու անձի համար եռօրյա ուղևորություն դեպի Աբու Դաբի, Փլեյսթեյշն հինգ և Դայսն վարսահարդարիչ: 

Сareer City Fest լավագույն գործատուների փառատոնում մասնակիցների քվեարկությամբ ամենատպավորիչ Pre-Event մարքեթինգային և PR արշավ, տաղավարի ամենատպավորիչ ինտերակտիվ բովանդակություն,  ամենատպավորիչ EVP show, փառատոնի աստղ անվանակարգերում հաղթող ճանաչվեց Ամերիաբանկը:

Ամենատպավորիչ պատվիրակություն բացման շքերթում անվանակարգում հաղթող ճանաչվեց  ՖԼԵՇ ընկերությունը, տաղավարի ամենատպավորիչ դիզայն և ամենատպավորիչ կոնցեպտ  անվանակարգերում  հաղթեց  INECO PEOPLE-ը, իսկ տաղավարի ամենատպավորիչ կոնցեպտ անվանակարգը TEAM GROUP-ինն էր: Տաղավարի ամենատպավորիչ թիմ անվանակարգում հաղթողը  COFFEE HOUSE-ն է, ամենատպավորիչ ելույթը Լիկա Թումանյանինն էր, ամենատպավորիչ ելույթը CCF Battle-ում՝ Շուշան Ավագիմյանինն ու Արմեն Ավագ Ավագյանինն է, փառատոնի հայտնությունը ՍՈԼԵՐ-ն էր: CCF-ին մասնակից լավագույն գործատու անվանակարգում հաղթող ճանաչվեց միանգամից երեք ընկերություն՝ Ամերիաբանկը, Ucom-ը և SoftConstruct-ը:

Կազմակերպիչները շնորհակալություն հայտնեցին  բոլոր այն ընկերություններին և բանախոսներին, որոնք ձևավորում են Հայաստանի աշխատաշուկայի ապագան, ոգեշնչում իրենց թիմերին և ստեղծում մնայուն արժեք։ 

Փառատոնի կազմակերպիչ Skill event marketing ընկերության տնօրեն Սերգեյ Ուսնունցի խոսքով՝ այս մրցանակաբաշխությունը Career City Fest-ի ամենաառանցքային միջոցառումներից մեկն է, և ընկերությունն իր առջև խնդիր է դրել ընկերություններին ներկայացնել որպես գործատու, փորձելով ցույց տալ, թե ինչ է կատարվում ընկերություններում վարագույրից այն կողմ: 

Միջազգային հեղինակավոր Eventex Awards-ի կրկնակի ոսկե մրցանակակիր փառատոնն անցկացվում էր արդեն չորրորդ անգամ։ Փառատոնը փորձի և գաղափարների փոխանակման յուրօրինակ հարթակ դարձավ տասնյակ ընկերությունների, բանախոսների և հազարավոր այցելուների համար։