Կյանքից հեռացել է ջրածնային ռnւմբի «հայրերից» մեկը՝ Ռիչարդ Գարվինը

Ամերիկացի ֆիզիկոս և առաջին ամերիկյան ջրածնային ռումբի ստեղծողներից մեկը՝ Ռիչարդ Լոուրենս Գարվինը, մահացել է 97 տարեկան հասակում, գրում է The New York Times-ը՝ հղում անելով նրա որդուն՝ Թոմասին։

Գարվինը մահացել է մայիսի 13-ին Նյու Յորքի Սկարսդեյլ քաղաքի իր տանը:

Գարվինը ծնվել է 1928 թվականի ապրիլի 19-ին Քլիվլենդում։ 21 տարեկանում նա պաշտպանել է դոկտորական ատենախոսությունը Նոբելյան մրցանակի դափնեկիր ֆիզիկոս Էնրիկո Ֆերմիի ղեկավարությամբ։ Հետագայում նրան հրավիրել են աշխատելու լաբորատորիայում (որտեղ Ռոբերտ Օպենհայմերը աշխատում էր ատոմային ռումբի վրա): Այնտեղ, 1951 թվականին, Գարվինը ստեղծել է առաջին արդյունավետ ջերմամիջուկային ռումբի դիզայնը: Այդ ժամանակ նա ընդամենը 23 տարեկան էր։