Միլանը հրաժեշտ է տալիս Ջորջիո Արմանիին․ Դոնատելլա Վերսաչեն առաջիններից մեկը ներկայացավ հրաժեշտի արարողությանը (տեսանյութ)

15:20 • 06.09.25

Այսօր ամբողջ Միլանը սևազգեստ է. քաղաքը հրաժեշտ է տալիս Ջորջիո Արմանիին: Դիզայներ Դոնատելլա Վերսաչեն առաջիններից մեկը ներկայացավ հրաժեշտի արարողությանը։

Նա մեքենայից դուրս եկավ մուգ ակնոցներով, ձեռքին սպիտակ վարդերի փունջ և չխոսեց մամուլի հետ: Միլանի քաղաքապետ Բեպպե Սալան նույնպես արդեն հրաժեշտ է տվել դիզայներին՝  հայտարարելով, որ քաղաքապետարանի բոլոր շենքերում դրոշները կիջեցվեն՝ նշելով սգո օրը։

Իտալական նորաձևության լեգենդի հրաժեշտի արարողությունը կտևի երկու օր: Այն տեղի է ունենում Արմանիի գլխավոր գրասենյակի ցուցասրահում:

Տեսանյութը կարող եք դիտել Tert.am-ի թելեգրամյան ալիքում։