ՏԻՄ ընտրություններով պայմանավորված՝ ունենք բարեգործության արգելք․ «ՏԱՇԻՐ» բարեգործական հիմնադրամը՝ առաջին դասարանցիների նվերների մասին

«ՏԱՇԻՐ» բարեգործական հիմնադրամը, հիմնադրումից սկսած, մի գեղեցիկ ավանդույթ ունի։ Այս մասին հայտնում են հիմնադրամից։

«Ամեն տարի՝ սեպտեմբերին ընդառաջ, հիմնադրամը առաջին դասարանցիներին նվիրում է իրենց առաջին դպրոցական պայուսակները՝ հագեցած անհրաժեշտ գրենական պիտույքներով։

Ցավոք, այս տարի, ՏԻՄ ընտրություններով պայմանավորված, ունենք բարեգործության արգելք, և մեր գեղեցիկ ավանդույթը ստիպված ենք խախտել։

Սիրելի՛ առաջին դասարանցիներ, վստահ եղեք, որ մեր սերն ու հոգատարությունը ձեր նկատմամբ անփոփոխ է։ Շնորհավորում ենք ձեզ դպրոցական կյանք մուտք գործելու կապակցությամբ և մաղթում ենք, որ կրթության լուսավոր ճանապարհն անցնեք հետաքրքրասիրությամբ և աշխատասիրությամբ լի օրերով»,-ասված է «ՏԱՇԻՐ» բարեգործական հիմնադրամի հայտարարության մեջ։