Nokia-ն ներկայացրել է երկու սմարթֆոն՝ GPS–ով
Nokia ընկերությունը ներկայացրել է N շարքի երկու նոր սմարթֆոն, հայտնում է TechRadar-ը։ Դրանք են՝ N85-ը և N79-ը, որոնք կատարված են, համապատասխանաբար, սլայդերի և մոնոբլոկի տեսքով։
Երկու հեռախոսն էլ աշխատում են GPS նավիգացիոն համակարգում, զինված են 5 մեգապիքսելանոց տեսախցիկով՝ Carl Zeiss ընկերության օպտիկայով, ինչպես նաև FM ռադիոընդունիչով։
N85 սմարթֆոնն ունի OLED էկրան, ինչը թույլ է տալիս նվազեցնել հեռախոսի էներգասպառման տոկոսը։ N85–ի կոմպլեկտում կա նաև 8 գիգաբայթ հիշողությամբ քարտ։
Nokia N79-ը զինված է հեղուկ–բյուրեղյա էկրանով և ունի 4 գիգաբայթ հիշողությամբ քարտ։
Սմարթֆոններ՝ վաճառքում հայտնվելու ժամկետները չեն նշվում։ Սակայն արդեն հայտնի է, որ Nokia N85 և N79 հեռախոսները կարժենան 450 և 350 եվրո համապատասխանաբար։










