Samsung-ը թողարկում է Skype-ով հեռուստացույցներ
Samsung ընկերությունը թողարկում է նոր հեռուստացույցներ, որոնք հնարավորություն են տալիս ոչ միայն շփվել զրուցակցի հետ, այլև տեսնել նրան մեծ էկրանի վրա։ Կորեական արտադրության հեռուստացույցները կապահովեն ինտերնետային բանակցություններ Skype-ի միջոցով։ Այս մասին հաղորդում է dni.ru-ն։
Հայտնի է, որ խոսքն այս տարի թողարկվող UNC7000 և UNC8000 սերիայի երկու հեռուստացույցերի մասին է։ Դրանց գինն սկսվում է 2 հազ. դոլարից։
Նշենք, որ հնարավոր կլինի մուտք գործել և օգտվել Skype-ից հեռուստացույցի հեռակառավարման վահանակի միջոցով։










