Չիլիի երկրաշարժը կրճատել է Երկիր մոլորակի օրվա տևողությունը

13:00 • 02.03.10

Չիլիի երկրաշարժը կրճատել է օրվա տևողությունը 1,26 միկրովայրկյանով։ Նման հաշվարկներ է կատարել Ռեակտիվ շարժման լաբորատորիայի աշխատակից Ռիչարդ Գրոսը։ Այդ մասին հաղորդում է Lenta.ru-ն։

Գրոսը հաշվարկել է, որ Չիլիի երկրաշարժը հանգեցրել է երկրային զանգվածի վերաբաշխմանը և 8 սմ–ով շեղել է առանցքը, որի նկատմամբ Երկրագունդը հավասարակշռվում է։ Այս առանցքը չպետք է շփոթել այն առանցքի հետ, որի շուրջ պտտվում է Երկրագունդը։

Օրվա տևողության կրճատումը պայմանավորված է նրանով, որ Չիլիի երկրաշարժի էպիկենտրոնը գտնվում է միջին լայնություններում և խորացել է երկրի կեղևի մեջ մեծ անկյան տակ։

Հիշեցնենք, որ Չիլիի երկրաշարժը տեղի է ունեցել փետրվարի 27-ին Կոնսեպսյոն քաղաքից մոտ 90 կմ հեռավորության վրա։ Ցնցման ուժգնությունը կազմել է 8,8 բալ։ Զոյերի թիվը 700 է։