Այս տարի բուհերի դիմորդների թիվը նվազել է
2010թ., ըստ նախնական տվյալների, հայաստանյան բուհերի դիմորդների թիվը կազմել է 17 505։ Այս մասին լրագրողներին հայտնեց Գնահատման և թեստավորման կենտրոնի մամուլի քարտուղար Գայանե Մանուկյանը:
Նշենք, որ բուհական ընդունելության քննություններին մասնակցելու համար դիմումների ընդունումը սկսվել է փետրվարին և կավարտվի ապրիլի 10–ին։
Ըստ Մանուկյանի՝ Երևանում դիմորդների թիվն այս տարի կազմել է 6136։ Մեծ է նաև Արարատից և Արմավիրից դիմորդների քանակը։
Հիշեցնենք, որ անցած տարի բուհ ընդունվելու համար դիմել էր 19 165 հոգի։










