Գիտնականները բացահայտել են երջանիկ լինելու գաղտնիքը
Դալասի Մեթոդաբանական համալսարանի գիտական խումբը հայտարարել է, որ բացահայտել է երջանիկ և կենսուրախ լինելու գաղտնիքը։ Գիտնականների բաղադրատոմսը շատ պարզ է. հարկավոր է օրվա ընթացքում 25 րոպե մարմնամարզությամբ զբաղվել մարզասրահում կամ մարզահրապակարում։ Սակայն մարզանք պետք է անել ամեն օր։ Այս մասին հաղորդում է newsru.com-ը։
«Հետազոտությունների ընթացքում մենք եկել ենք եզրահանգման, որ ֆիզիկական մարմնամարզությունը և ծանրաբեռնվածությունը մարդու գլխուղեղի և հոգեբանության վրա նույն ազդեցությունն ունեն, ինչ ուժեղ հակադեպրեսանտները»,- նշել է գիտաշխատանքների ղեկավար, պրոֆեսոր Ջասպեր Սմիթսը։ Նա նաև հավելել է, որ ի տարբերություն դեղորայքի՝ մարմնամարզությունը ունիվերսալ է և չունի հակացուցումներ։
Ըստ գիտնականների՝ ֆիզիկական ծանրաբեռնվածությունը նվազեցնում է սթրեսը, անհանգստություններն ու դյուրագրգիռ վիճակները, դուրս բերում մարդուն դեպրեսիայից։










