Արհեստական բեղմնավորումը դեռ 20 տարի էլ մատչելի չի լինի Հայաստանում
Մարդու վերարտադրության կենտրոնի տնօրեն Էդուարդ Համաբարձումյանը կարծում է, որ առաջիկա 20 տարիներին նույնպես արհեստական բեղմնավորման գները Հայաստանում բոլոր ցանկացողների համար մատչելի չեն լինի:
«Եվրոպական հարուստ երկրներում էլ արհեստական բեղմնավորման կարիք ունեցող բոլոր զույգերի 20 տոկոսն է միայն կարողանում օգտվել այդ ծառայությունից: Աղքատ երկիր համարվող Հայաստանում այս հարցը շուտ չի լուծվի: Մենք ավելի շուտ պետք է մտածենք, թե ինչպես կանխարգելենք այն հիվանդությունները, որոնք անպտղություն են առաջացնում: Առաջին հերթին դրանք ինֆեկցիաներն են»,- այսօրվա ասուլիսում ասաց մասնագետը:
ՀՀ առողջապահության նախարարության բուժօգնության կազմակերպման վարչության մոր և մանկան առողջության պահպանման բաժնի գլխավոր մասնագետ Գայանե Ավագյան էլ հիշեցրեց, որ վերարտադրողական թանկարժեք օժանդակ տեխնոլոգիաները չեն մտնում պետպատվերի ցանկում: «Հետագայում անպայման այդ հարցը պետք է լուծվի: Այսօր եթե մարդը դիմում է տարածքային պլիկլինիկաներ, ամբողջովին անվճար բուժօգնություն է ստանում: Հղիների և հետծննդյան շրջանում գտնվող կանանց համար բուժօգնության մատչելիությունն ապահովված է»,- հավատացրեց նա:










