Արցախցի ուսուցիչները պարգևներ են ստացել

Արցախի նախագահ Բակո Սահակյանը հոկտեմբերի 5-ին մասնակցել է Ուսուցչի օրվան նվիրված հանդիսավոր միջոցառմանը:

Նախագահը շնորհավորել է Արցախի ուսուցիչներին մասնագիտական տոնի առթիվ և պետական պարգևներ հանձնել մի խումբ մանկավարժների:

Բակո Սահակյանը ստորագրել է հրամանագրեր Արցախի պետական պարգևներով պարգևատրելու և պատվավոր կոչում շնորհելու մասին:

Մատաղ սերնդի ուսուցման և դաստիարակության բնագավառում ունեցած նշանակալի ավանդի համար պարգևատրվել են.

«Վաչագան Բարեպաշտ» մեդալով`

Սոֆյա Սուրենի Բարսեղյանը - Արցախի Հանրապետության Հադրութի շրջանի վարչակազմի կրթության բաժնի գլխավոր տեսուչ

Աիդա Ալեքսանի Սաղյանը - ք.Մարտունի, կենսաթոշակառու ուսուցչուհի

«Երախտագիտություն» մեդալով`

Նելլի Սերգեյի Աթանեսյանը - Արցախի Հանրապետության Մարտակերտի շրջանի Առաջաձոր գյուղի միջնակարգ դպրոցի տնօրեն

Ալեքսանդր Գրիգորի Բաբայանը - Արցախի Հանրապետության Շուշիի շրջան, գյուղ Քարին տակ, կենսաթոշակառու ուսուցիչ

Էլեոնորա Աղասիի Զաքարյանը - Արցախի Հանրապետության Ասկերանի շրջանի Լուսաձոր գյուղի հիմնական դպրոցի տնօրեն

Մարետա Անդրանիկի Հարությունյանը - Արցախի Հանրապետության Շահումյանի շրջանի Քարվաճառի միջնակարգ դպրոցի մաթեմատիկայի ուսուցչուհի

Վարդուշ Սարգսի Մովսիսյանը Արցախի Հանրապետության Քաշաթաղի շրջանի Բերձորի N 1 միջնակարգ դպրոցի պատմության ուսուցչուհի:

Մատաղ սերնդի ուսուցման և դաստիարակության գործում ձեռք բերած ակնառու հաջողությունների համար Արցախի Հանրապետության վաստակավոր մանկավարժի պատվավոր կոչում է շնորհվել՝

Սոսո Ռուբենի Արզումանյանին - Արցախի Հանրապետության կրթության և գիտության նախարարության կրթության պետական տեսչության պետ

Անահիտ Էռնեստի Հայրապետյանին - Ստեփանակերտի N 3 միջնակարգ դպրոցի ռուսաց լեզվի եւ գրականության ուսուցչուհի։