Ռուսաստանի ուսանողները դիպլոմայինները օնլայն կպաշտպանեն

ՌԴ վարչապետ Վլադիմիր Պուտինը հավանություն է տվել Սանկտ Պետերբուրգի պետական համալսարանի ռեկտոր Նիկոլայ Կրոպաչովի նախաձեռնությանը՝ դիպլոմային աշխատանքը օնլայն ռեժիմով պաշտպանելու վերաբերյալ։ Այս մասին հայտնում է РБК-ն։

Մեկնաբանելով Կրոպաչովի նախաձեռնությունը՝ Պուտինն ասել է, որ «դա շատ լավ է, այստեղ ծախսերը նվազագույն են, բայց արդյունքը զգալի կլինի. այս պարագայում խարդախություն անել հնարավոր չէ, քանի որ ամբողջ երկիրը կարող է հետևել, թե ինչպես է ընթանում պաշտպանությունը»։

Սանկտ Պետերբուրգի համալսարանում օնլայն պաշտպանությունն արդեն փորձարկված է։ Սպասվում է, որ այն թույլ կտա բարձրացնել ուսանողների պատրաստվածության մակարդակը։