Եղանակն՝ այսօր
Հայաստանի միջուկային նոր էներգաբլոկի կառուցմամբ հետաքրքրված են շատ ընկերություններ. Արմեն Մովսիսյան
Որպեսզի Հայաստանի նոր միջուկային էներգաբլոկի կառուցման համար ճիշտ ներդրողներ ընտրվեն, մարտին Հայաստանում կոնֆերանս կհրավիրվի։ Այս մասին այսօր լրագրողների հետ հանդիպմանը տեղեկացրել է ՀՀ էներգետիկայի և բնական պաշարների նախարար Արմեն Մովսիսյանը՝ նշելով, որ կոնֆերանսին կմասնակցեն և սարքավորումներ արտադրող, և ներդրումներ կատարող ընկերությունները։
«Նրանց կներկացավի մեր էներգաբլոկը, և կընտրենք մեր վերջնական ներդրողներին»,- ասաց նախարարը։ Ըստ նրա՝ նոր էներգաբլոկի կառուցմամբ այսօր հետաքրքրված են շատ ընկերություններ։
Նշենք, որ այս տարվա օգոստոսին Հայաստանի և Ռուսաստանի միջև ստորագրված համաձայնագրով ռուսական կողմը նույնպես մասնակցություն կունենա նոր էներգաբլոկի կառուցման աշխատանքներին։
Նախարարը տեղեկացրեց նաև, որ այս տարի Հայաստանից էլեկտրաէներգիա է արտահանվել Իրան, փոքր քանակությամբ՝ նաև Վրաստան։
Ըստ Մովսիսյանի՝ Հրազդանի ՋԷԿ-ի 5-րդ էներգաբլոկի կառուցման աշխատանքները նախատեսվում է ավարտել հաջորդ տարվա առաջին եռամսյակի վերջում։
Studio One