Մանուկ հասակում բռնության ենթարկված կանայք ավելի հաճախ են աուտիզմով հիվանդ երեխաներ ունենում

Մանուկ հասակում ֆիզիկական, հոգեբանական կամ սեռական բռնության ենթարկված կանայք ավելի հաճախ են աուտիզմով հիվանդ երեխաներ ունենում, քան նրանք, ովքեր բարեհաջող մանկություն են ունեցել. ամերիկացի գիտնականների այս եզրահանգումը տեղ է գտել JAMA Psychiatry ամսագրում, հայտնում է Gazeta-ն:

Հասարակության առողջության Հարվարդի դպրոցի գիտնականները դա անվանել են «աուտիզմի ռիսկի համար բոլորովին նոր գործոն»՝ ընդգծելով «վատ հարաբերությունների կանանց փորձի» դերը:

Նրանք հուսով են, որ այս հայտնագործությունը կօգնի ավելի լավ հասկանալ այդ հիվանդության պատճառները և որոշել ռիսկի վերացման գործոնները:

Մասնավորապես նշվում է, որ լուրջ բռնություն տեսած կանանց դեպքում աուտիզմով հիվանդ երեխա ունենալու՝ 3,5 անգամ ավելի մեծ հավանականություն կա: Իրենք՝ բռնության ենթարկված կանայք, դառնում են այնպիսի հիվանդությունների զոհ, ինչպիսիք են դեպրեսիան, անհանգստությունը, գիրացումը և թոքերի հիվանդությունը:
 

Ուսումնասիրվել են ավելի քան 50 հազար կանանց տվյալներ: