Աշխարհի 10 սոցիալապես ամենազարգացած երկրները․ հետազոտություն

Հարվարդի բիզնես դպրոցի դասախոսների թիմը մշակել է սոցիալական առաջընթացի ինդեքս անվամբ նոր չափորոշիչ, որով գնահատվում է տվյալ երկրի իրավիճակը մարդկային հիմնական կարիքների բավարարման տեսակետից՝ ի հակադրություն ավանդական տնտեսական աճի ցուցանիշների, գրում է Business Insider-ը:

 

Այս ինդեքսը կազմված է  ցուցանիշների երեք խմբի հիման վրա․

 

1․ մարդկային հիմնական կարիքներ 

- սնունդ և հիմնական բուժապահովություն

- օդ, ջուր և սանիտարական պայմաններ

- կեցավայր

- անձնական ապահովություն

 

2․ սոցիալական ենթակառուցվածքներ

- տեղեկատվության հասանելիություն

- գիտելիքի հասանելիություն

- առողջություն

- էկոհամակարգի կայունություն

 

3․ հնարավորություն

- անձնական իրավունքներ

- կրթություն

- անձնական ընտրություն

- կապիտակի ներդրման հնարավորություն 

 

Ըստ այս ցուցանիշների վրա հիմնված վարկանիշային աղյուսակի՝  նույն չափով ՀՆԱ ունեցող երկրներն ունեն սոցիալական առաջընթացի տարբեր մակարդակներ։   

 

Այսպիսով, աշխարհի սոցիալապես ամենազարգացած 50 երկրների ցուցակը գլխավորում է Շվեդիան, որը առաջինն է անձնական ապահովության ցուցանիշով, 3-րդը՝ սանիտարիայի առումով, 4-րդը՝ հիմնական բժշկական խնամքի առումով և 37-րդը՝  էկոհամակարգի կայունության տեսակետից:

 

 

 

Երկրորդ տեղում Մեծ Բրիտանիան է, որը փայլում է սանիտարական համակարգով, սակայն 9-րդն է կեցավայրի խնդիրների առումով, 10-րդը՝ անձնական անվտանգության և 11-րդը՝ հիմնական բժշկական խնամքի առումով:

 

 

 

Երրորդ տեղում է Շվեյցարիան, որտեղ կա ազատություն, բայց չկան հնարավորություններ: Այն 1-ինն է անձնական անվտանգությամբ, 3-րդը՝ բժշկական խնամքի և 10-րդը՝ կեցավայրի հասանելիության ցուցանիշներով:

 

 

 

Չորրորդ երկիրը Կանադան է, որը գնահատվում է որպես ամենաապահովը: Կանադան առաջին է անձնական անվտանգության առումով, բայց 8-րդը՝ բժշկական խնամքի և 15-րդը՝ սանիտարական համակարգի առումով: 

 

 

 

Հինգերորդ տեղում է Գերմանիան, որն առաջինն է բժշկական խնամքի առումով, 2-րդը՝ սանիտարական համակարգով և 3-րդը՝ կեցավայրի հասանելիության առումով:

 

 

 

Վեցերորդ տեղում է ԱՄՆ-ն, որն առաջատար է կրթութական մակարդակով, սակայն 13-րդը՝ սանիտարական համակարգով և անձնական անվտանգությամբ։ 

 

 

 

Յոթերորդը Ավստրալիան է, որն 9-րդն է սանիտարական համակարգով, 4-րդը՝ բժշկական խնամքով, սակայն 22-րդը՝  կեցության խնդիրներով և 46-րդը՝ էկոհամակարգի կայունությամբ:

 

 

 

Ութերորդ երկիրն է Ճապոնիան, որն ամենաապահով երկիրն է տանիքի առումով, 4-րդն է անձնական անվտանգությամբ, սակայն 10-րդը՝ առողջապահությամբ և 40-րդը՝  էկոհամակարգի կայունությամբ:

 

 

 

Իններորդն է ֆրանսիան, որը 7-րդն է սանիտարական համակարգով, 14-րդը՝ կեցավայրի առումով և 36-րդը՝ էկոհամակարգի կայունությամբ:

 

 

 

Տասներորդ տեղում է գտնվում Իսպանիան, որը 5-րդն է սանիտարական համակարգով, 27-րդը՝ կեցավայրի և 41-րդը՝ էկոհամակարգի կայունության առումներով: