Երկրաշարժի հետևանքով Պակիստանում նոր կղզի է հայտնվել

Լուսանկարում Գվադար քաղաքը

Արաբական ծովում տեղի ունեցած հզոր երկրաշարժի հետևանքով Պակիստանի հարավային ափի մոտ հայտնվել է նոր կղզի, որը ջրից դուրս է եկել Գվադար քաղաքից 600 մ հեռավորության վրա։

 
Ինչպես հայտնում է Лента-ն, Reuters-ին հղումով, Պակիստանում բնական աղետի հետևանքով զոհվել է 80 մարդ։ Մինչդեռ Agence France Presse-ն հայտնում է 173 զոհի մասին։

 
7.8 մագնիտուդ հզորությամբ երկրաշարժի պատճառով Բելուջիստան նահանգում ավիրվել է տեղի շինությունների 1/3-րդ մասը։

Ստորերկրյա ցնցումները զգացվել են նաև հնդկական Դելի ու Հայդարաբադ քաղաքներում։