ԱՄՆ-ում պետական մարմինների վատ աշխատանքի պատճառով 16.000 մարդ կարող էր վարակվել սալմոնելայով

23:42 • 26.12.13

ԱՄՆ գյուղատնտեսական արտադրանքի որակի վերահսկման վարչությունը մանրակրկիտ չի ստուգել հավեր արտադրող Foster Farms ընկերության արտադրանքը, իսկ ապրանքի շուկայում հայտնվելուց հետո գնորդներին չեն տեղեկացրել վտանգի մասին: Այս մասին հաղորդում է Russia Today-ի ռուսական ծառայությունը՝ հղում կատարելով NBC-ին, որն այս տեղեկություններն ստացել Pew Charitable Trusts հիմնադրամի զեկույցից:


Սակայն արտադրողները պնդում են, որ իրենց ապրանքը բացառապես անվտանգ է: Հավի մսի արտադրության ազգային խորհրդի հայտարարությունում նշում են, որ ամերիկացիներն օրական ուտում են 160 միլիոն մասնաբաժին հավ, որոնցից 99.9%-ը անվտանգ են:


Ըստ հիմնադրամի տվյալների՝ ԱՄՆ-ում տարեկան մոտ 1.3 միլիոն մարդ վարակվում է սալմոնելայով, որոնցից 23.000-ը հայտնվում են հիվանդանոցում, իսկ մոտ 450-ը մահանում են: