Ռուս զբոսաշրջիկներով օդանավը Թաիլանդի փոխարեն վայրէջք է կատարել Պակիստանում

14:17 • 28.12.13

Թաիլանդ թռչող ռուս զբոսաշրջիկներով օդանավը ստիպված է եղել վայրէջք կատարել Պակիստանում, քանի որ ուղևորներից մեկի մոտ սրտի նոպա է սկսվել։

 

Ինչպես հայտնում է Лента-ն, միջադեպը տեղի է ունեցել I Fly ընկերության ինքնաթիռներից մեկում, որը չնախատեսված վայրէջք է կատարել Լահոր քաղաքում։

 

Միջազգային կանոնների համաձայն՝ նման դեպքերում ինքնաթիռը վայրէջք է կատարում մոտակա միջազգային օդանավակայանում։

 

Ներկայում ռուս զբոսաշրջիկը գտնվում է Լահորի հիվանդանոցում, իսկ օդանավն արդեն մեկնել է Թաիլանդ։