Վոլգոգրադում պայթյունի զոհերի թվում կարող են լինել ավելի վաղ վիրավորվածների բարեկամները

12:37 • 30.12.13

ՌԴ Վոլգոգրադ քաղաքում նոր պայթյունը հնչել է տրոլեյբուսում, որտեղ կարող էին գտնվել այն մարդկանց բարեկամները, որոնք նախօրեին վիրավորվել էին կայարանում տեղի ունեցած ահաբեկչության ժամանակ, գրում է ria.ru-ն՝ հղում անելով «Россия 24» հեռուստաալիքին:

 

«Այդ տրոլեյբուսում կարող էին գտնվել նախօրեին Վոլգոգրադի երկաթգծային կայարանում տեղի ունեցած պայթյունի ժամանակ վիրավորվածների բարեկամները»,- հայտարարել է թղթակիցը հեռուստաալիքի եթերում:

 

Հեռուստաալիքի տեղեկություններով՝ այժմ ահաբեկչության վայրում աշխատում են փորձագետները, ողջ տարածքը գտնվում է ուժեղացված հսկողության տակ, շուրջը տեղակայված են ոստիկանական բազմաթիվ ջոկատներ: