Դահուկորդը պատահաբար տեսախցիկով նկարահանել է Շումախերի ընկնելու պահը

13:37 • 05.01.14

Դահուկորդը պատահաբար տեսախցիկով նկարահանել է Միխայել Շումախերի ընկնելու պահը լեռնադահուկային հանգստավայրում, որտեղ նախկին ավտոարշավորդը ծանր վնասվածք է ստացել, հաղորդում է BBC-ի ռուսական ծառայությունը:


Ինչպես հաղորդում է գերմանական Spiegel թերթը, տղամարդը  բջջային հեռախոսով նկարահանում էր իր ընկերուհուն, երբ կադրում պատահաբար հետին պլանում հայտնվում է ընկնող դահուկորդը՝ Շումախերը:


Ականատեսի խոսքով՝ ընկնելու պահին արագությունը չէր գերազանցում ժամում 20 կիլոմետրը:


Ներկայումս քննիչներն ուսումնասիրում են տեսագրությունը, որն արել է Շումախերի սաղավարտի վրայի տեսախցիկը:


Միխայիլ Շումախերը գլխի վնասվածք էր ստացել ֆրանսիական Մերիբել հանգստավայրում հանգստանալու ժամանակ, որտեղ դահուկ էր քշում իր 14-ամյա որդու հետ:


Այժմ ավտոարշավորդը Գրենոբլի հինվադանոցում է: Նա մի քանի վիրահատություն է տարել: Բժիշկների խոսքով՝ նրա վիճակը կայուն է, սակայն շարունակում է ծանր մնալ: