«Քաղաքացիական պայմանագիրը» մայիսին մայրաքաղաքի կենտրոնում գրասենյակ կբացի

22:32 • 08.04.14

«Քաղաքացիական պայմանագիր» միավորման կառավարման և հոգաբարձուների խորհուրդը մայիսին Երևանի կենտրոնում նոր գրասենյակ կբացի:


Այս մասին Tert.am-ին հայտնեց ՔՊՄ կառավարման խորհրդի անդամ Ալեն Սիմոնյանը ՝ ի պատասխան հարցի, թե «Քաղաքացիական պայմանագրի» հետ կապված՝ մի տեսակ դադար ու լռություն է:

 

«Մենք չենք դադարեցրել մեր գործունեությունը, ողջ կազմով հանդիպում ենք առնվազն՝ շաբաթական 1-2 անգամ , հիմա գրասենյակի վերանորոգման գործերով ենք զբաղված, մայիսի վերջին գրասենյակը կբացվի»,-ասաց նա:

 

«Քաղաքացիական պայմանագրի» նոր գրասենյակը տեղակայված է լինելու մայրաքաղաքի կենտրոնում: Դրա աշխարհագրական դիրքի վերաբերյալ Ալեն Սիմոնյանը այլ մանրամասներ չհայտնեց. լիազորված չէր:


Նա չպատասխանեց նաև հարցին, թե ինչ միջոցներով է վերանորոգվում գրասենյակը: