Լեգենդար հեծանվորդ Արմսթրոնգը հայտնել է իրեն դոփինգ մատակարարողների անունները

12:50 • 10.04.14

Ամերիկացի հանրահայտ հեծանվորդ Լենս Արմսթրոնգը ցուցմունք է տվել և հայտնել, թե ովքեր են իրեն օգնել դոփինգ օգտագործել իր կարիերայի ընթացքում, ինչի հայտնի դառնալը տապալել է Արմսթրոնգի կարիերան, հայտնում է Interfax-ը: 

 

Իր բոլոր տիտղոսները կորցրած Արմսթրոնգն այս մասին խոսել էր դեռ նոյեմբերին, սակայն հրապարակվել է միայն այսօր:

Արմսթրոնգն ասել է, որ իրեն արգելված միջոցներ են մատակարարել իր մարզիչ Պեպի Մարտին, բժիշկներ Պեդրո Սելայան, Լուսիա Գարսիա դել Մորալը և Միքելե Ֆեռարին:

Արշավներին դոփինգ անցկացնելու հարցում նրան օգնել են իրեն մերսող կինը, մեխանիկները: 

 

Արմսթրոնգն ընդունել է, որ դոփինգ է ընդունել 1995-ի Tour de France-ի ժամանակ, սակայն պնդում է, որ դա չի արել սպորտ վերադառնալուց հետո՝  2009 և 2010-ի արշավներին: