Ադրբեջանական բանակը մեկ օրվա ընթացքում երկու զինծառայող է կորցրել
Ադրբեջանական բանակը մեկ օրվա ընթացքում երկու զինծառայող է կորցրել։
Ինչպես տեղեկացնում է ադրբեջանական ԱՊԱ գործակալությունը, առաջին միջադեպը տեղի է ունեցել սահմանամերձ զորամասերից մեկում։
Զինծառայող Էլվին Բազիրլին զենքի հետ անզգույշ վարվելու հետևանքով վիրավորել է ինքն իրեն։ Նա մահացել է հիվանդանոցի ճանապարհին։
Մեկ այլ միջադեպ է տեղի ունեցել Նախիջևանում։ Զինծառայող Սամիր Ալեքբերովն ինքնասպան է եղել՝ կախվելու միջոցով։
Երկու զոհերի մասին տեղեկությունը հաստատել է Ադրբեջանի պաշտպանության նախարարությունը։ Հարուցվել են քրեական գործեր։










