Կիևն Ուկրաինայի արևելքում տեղի ունեցող դեպքերը դիտարկում է որպես ՌԴ-ի ագրեսիայի դրսևորում. Արսեն Ավակով

23:50 • 12.04.14

Կիևի իշխանություններն Ուկրաինայի հարավ-արևելքում տեղի ունեցող իրադարձությունները դիտարկում են որպես Ռուսաստանի արտաքին ագրեսիայի դրսևորում:


Газета.Ru-ի փոխանցմամբ` այս մասին ֆեյսբուքյան իր էջում գրել է ՆԳ նախարարի ժամանակավոր պաշտոնակատար Արսեն Ավակովը:


Վերջինս հիշեցրել է, որ Դոնեցկի շրջանում իրավիճակի կարգավորման հետ կապված՝ Ուկրաինայի նախագահի ժամանակավոր պաշտոնակատար Ալեքսանդր Տուրչինովը Ազգային անվտանգության և պաշտպանության խորհրդի արտահերթ նիստ է հրավիրել:

 

Բացի այդ, Ավակովը հայտնել է, որ Կրամատորսկում (Դոնեցկի շրջան) շաբաթ երեկոյան հարձակում է իրականացվել ոստիկանության շրջանային բաժանմունքի վրա: