Հռոմում հակակառավարական ցույցերի շուրջ 80 մասնակից է ձերբակալվել

23:36 • 12.04.14

Հռոմում բողոքի ակցիայի մասնակիցները դժգոհում են տնտեսական խիստ  քաղաքականությունից, որն սկսել է վարել կառավարությունը, ինչպես նաև՝ Թուրին-Լիոն երկաթգծի կառուցման ավարտի և Սիցիլիայում ԱՄՆ ռազմածովային ուժերի վերահսկողության հեռուստահաղորդակցական համակարգ ստեղծելու մտադրությունից:


Ինչպես հաղորդում է Russia Today-ը` РИА Новости-ն հղումով, բողոքի ակցիայի կազմակերպիչների տվյալներով` ապրիրլի 12-ին 15-20 հազար մարդ է դուրս եկել Հռոմի փաղոցներ: Մարդիկ բողքում են Իտալիայի նոր վարչապետ Մատեո Ռենցիի վարած քաղաքականության, ինչպես նաև՝ սոցիալական բնակարանների բաշխման կանոնակարգի և աշխատանքային գործունեության մասին վերջերս ընդունված օրենքի դեմ, որն աշխատանքային պայմանագրերում փոփոխություններ է ենթադրում, ինչն էլ արժանացել է արհմիությունների քննադատությանը:

 

Ցույցերին մասնակցում են ուսանողներ և No Tav շարժման ներկայացուցիչներ, որոնք դեմ են հանդես գալիս արագընթաց երկաթուղային ճանապարհի կառուցմանը, որը Իտալիան կմիացնի Ֆրանսիային: