Ուկրաինայում Դանիայի դրոշով են դիմավորել Շվեյցարիայի նախագահին

20:30 • 14.04.14

Շվեյցարիայի նախագահ Դիդյե Բուրկխալտերի հանդիպումը Ուկրաինայի վարչապետ Արսենի Յացենյուկի հետ երկուշաբթի շփոթմունքով է սկսվել. ընդունող կողմը Շվեյցարիայի դրոշի փոխարեն Դանիայի դրոշն է բարձրացրել: Այս մասին տեղեկացնում է РИА Новости-ն:


Դանիայի և Շվեյցարիայի դրոշները որոշակի նմանություններ ունեն. երկուսի վրա էլ կարմիր ֆոնին սպիտակ խաչ է պատկերված:


Ինչպես նշում է 20 Minuten պարբերականը՝ Բուրկխալտերը միջադեպն ընդունել է հումորով և մատնանշել է սխալը՝ նախքան Յացենյուկի ձեռքը սեղմելը:


Դիվանագիտական կանոնադրության համաձայն՝ ընդունող կողմն իր սեփական դրոշի հետ համատեղ ցուցադրում է նաև այն երկրի պետական խորհրդանիշը, որի դիվանագիտական ներկայացուցչին է ընդունում:
 

Շվայցարիա

Флаг Швейцарии, Архивное фото

 

Դանիա