Ֆրանսիայի Լա Ռոշել քաղաքում բռնաբարության բացահայտման նպատակով 527 մարդ ԴՆԹ թեստ կհանձնի
Ֆրանսիայի արևմուտքում գտնվող Լա Ռոշել քաղաքի դատախազը բռնաբարված 16-ամյա աշակերտուհու գործի բացահայտման նպատակով բացառիկ միջոցներ է ձեռնարկել: Այս մասինն հաղորդում է Russia Today-ը՝ հղում կատարելով Assocaited Press-ին:
Այսպիսով՝ ԴՆԹ թեսթ կհանձնի 527 տղամարդ, ինչից հետո մասնագետները կուսումնասիրեն նրանցից յուրաքանչյուրի թքի նմուշը:
Կենսաբանական նյութի վերլուծության համար նմուշ կհանձնեն Fenelon-Notre Dame քոլեջի ուսանողները, ուսուցիչները և սպասարկող անձնակազմը, քանի որ հանցագործությունը տեղի է ունեցել այդ քոլեջում:
Առայժմ երիտասարդ ուսանողների մեջ ԴՆԹ թեսթից հրաժարվողներ չեն եղել, չնայած այն փաստին, որ ֆրանսիայի համապատասխան օրենքը նման իրավունք է ընձեռում:










