ՌԴ փոխարտգործնախարարը չի ցանկանում Ղարաբաղը համեմատել Ղրիմի հետ

15:25 • 14.04.14

ՌԴ փոխարտգործնախարար Վասիլի Նեբենզյան Интерфакс գործակալությանը տված հարցազրույցում խորհուրդ է տվել զուգահեռներ չանցկացնել Ղրիմի և Ղարաբաղյան հարցի միջև։

 

«Ես զուգահեռներ չէի անցկացնի Ղրիմի, Մերձդնեստրի և Ղարաբաղի իրավիճակների միջև։ Լեռնային Ղարաբաղի հակամարտության կարգավորմամբ զբաղվում է ԵԱՀԿ Մինսկի խումբը, այնտեղ կան համանախագահներ՝ հանձին Ռուսաստանի, Ֆրանսիայի և ԱՄՆ-ի, որոնք ձգտում են նպաստել հայերի և ադրբեջանցիների ուղղակի երկխոսությանը»,-ասել է նա։

 

ՌԴ փոխարտգործնախարարը հիշեցրել է, որ վերջերս ԱՊՀ արտգործնախարարների խորհրդի նիստն էր, որի շրջանակներում հանդիպել են Հայաստանի և Ադրբեջանի արտգործնախարարները, իսկ երկու երկրների նախագահների հանդիպումը տեղի է ունեցել ոչ վաղ անցյալում։

 

«Կա նաև մերձդնեստրյան կարգավորման «5+2» ձևաչափը, և այդ ուղղությամբ աշխատանքները շարունակվում են»,-ասել է նա։