Գերմանական խաղատները մի գիշերվա ընթացքում հաճախորդներին պատահաբար 10 մլն եվրո են տվել

11:48 • 16.04.14

Գերմանական խաղատները մի գիշերվա ընթացքում 10 մլն եվրոյի կորուստ են ունեցել՝ խաղային ավտոմատների ծրագրային ապահովման համակարգում տեղի ունեցած տեխնիկական խոտանի պատճառով։

 

Ինչպես նշում է Euromag-ը, խաղացողներից մեկը պատահաբար պարզել է, որ որոշակի հաջորդականությամբ կոճակները սեղմելու դեպքում մեքենան ավտոմատ կերպով ջեքփոթ է տալիս։ Այս տեղեկությունը, ինչպես նաև հաղթական կոմբինացիան արագորեն տարածվել է համացանցում, ինչի արդյունքում մեծ թվով մարդիկ խոշոր շահումներ են ունեցել։

 

Այժմ տեխնիկական խոտանի մասին տեղեկացվել են գերմանական գրեթե բոլոր խաղատների տնօրինությունները։ Նշվում է նաև, որ ոստիկանությունը կարող է չեղյալ հայտարարել այդ շահումները՝ դրանք որակելով որպես գողություն։