Նյու Յորքի ոսկերչական խանութներից մեկից գողացել են Բեյոնսեի և այլ հայտնի աստղերի զարդերը (լուսանկարներ)
Նյու Յորքի Margo Manhattan ոսկերչական խանութից գողացվել են զարդեր, որոնք ստեղծվել են հատուկ հոլիվուդյան աստղերի համար, այդ թվում՝ Բեյոնսեի և Սելենա Գոմեսի, հայտնում է segodnya.ua-ն։
Հանցագործին հաջողվել է տանել մի քանի հազար դոլար արժողությամբ զարդեր։ Գողացված իրերի թվում եղել է նաև 2.150 դոլար արժողությամբ ապարանջանը, որը Բեյոնսեն կրել է «Blow» երգի տեսահոլովակում, և մատանիներ, որոնք ստեղծվել են հատուկ Սելենա Գոմեսի համար՝ յուրաքանչյուրը 500 դոլար արժողությամբ։ Խանութում ներկայացված են եղել նաև այլ զարդեր, որոնք երբեմն կրել են հայտնի դերասանուհիներն ու երգչուհիները։
Հանցագործը խանութ է մտել որպես հաճախորդ, երբ աշխատակիցներից ներսում եղել է միայն մենեջեր Մարսի Իմբերը, կապել է նրան և փակել խորդանոցում, որից հետո տարել է զարդերը ցուցափեղկերից և չհրկիզվող պահարաններից։
Ոստիկանությունն այժմ փնտրում է մոտ 30 տարեկան սևամորթ հանցագործին։















