Ռուսաստանը կարող է հայց ներկայացնել ԱՄՆ-ի դեմ՝ «Ռոսիա» բանկի նկատմամբ պատժամիջոցների համար

15:45 • 16.04.14

Ռուսաստանը կարող է հայց ներկայացնել ԱՄՆ-ի դեմ «Ռոսիա» բանկի նկատմամբ պատժամիջոցներ սահմանելու համար Առևտրի համաշխարհային կազմակերպության շրջանակներում, հայտարարել է Ռուսաստանի տնտեսական զարգացման նախարար Ալեքսեյ Ուլյուկաևը, հաղորդում է ria.ru-ն:

 

«ԱՀԿ-ն մեզ որոշ լրացուցիչ հնարավորություններ է ընձեռում. այժմ Ժնևում՝ ԱՀԿ-ի խորհրդում, մենք քննարկում էինք մեր կողմից ԱՄՆ-ի դեմ հայց ներկայացնելու հնարավորությունը՝ ռուսական բանկերի նկատմամբ իրենց պատժամիջոցների պատճառով: Մենք հույս ունենք օգտագործել ԱՀԿ-ի մեխանիզմը»,- ասել է Ուլյուկաևը:

 

Նա հավելել է, որ Ռուսաստանը պետք է զգուշությամբ ներդրումներ անի դոլարով և եվրոյով նոմինացված արժեթղթերում՝ հաշվի առնելով ընթացիկ աշխարհաքաղաքական իրավիճակը: