Վենեսուելայի իշխանությունն ու ընդդիմությունը համաձայնել են ճշմարտության հանձնաժողով ստեղծել

10:36 • 16.04.14

Վենեսուելայում անցկացվել է իշխանության և քաղաքական ընդդիմության միջև երկխոսության 2-րդ փուլը, հայտնում է ИТАР-ТАСС-ը։

 

Հանդիպման ընթացքում որոշվել է ստեղծել Ճշմարտության ազգային հանձնաժողով, որը կհետաքննի վերջին 2 ամիսների իրադարձությունները, երբ Վենեսուելայում անցկացվում էին ուսանողական ցույցեր և բողոքի ակցիաներ։ Անկարգությունների հետևանքով զոհվել է ավելի քան 40 մարդ և ավելի քան 600-ը տուժել։

 

Հանդիպման ավարտից հետո ընդդիմադիր Ժողովրդավարական միասնության դաշինքի գլխավոր քարտուղար Ռամոն Գիլյերմո Ավելեդոն հայտարարել է, որ երկխոսության մասնակիցները «հերքում են բռնության ցանկացած դրսևորում և հաստատում են բացարձակ հարգանք սահմանադրության հանդեպ»։

Հանդիպմանը կառավարությունը ներկայացրել է հանրապետության փոխնախագահ Խորխե Արեասան։