ԱՄՆ-ն իր քաղաքացիներին խորհուրդ է տվել զերծ մնալ Ուկրաինա այցելելուց

09:19 • 17.04.14

ԱՄՆ-ի պետքարտուղարությունը երկրի քաղաքացիներին խորհուրդ է տալիս զերծ մնալ Ուկրաինա, հատկապես՝ որոշակի շրջաններ այցելելուց, հայտնում է Russia Today-ը:

 

Հակացուցված են այցերը հատկապես Ղրիմ, Խարկով, Դոնեցկ և Լուգանսկ: Իրավիճակն Ուկրաինայում անկանխատեսելի է և կարող է արագ փոփոխվել. նախազգուշացրել է ամերիկյան կողմը:

 

Ամերիկյան կողմի այս քայլը պայմանավորված է «Ղրիմում և Ուկրաինայի արևելյան սահմանի մոտ Ռուսաստանի ռազմական ներկայության» մասին ենթադրություններով:

 

Ավելի վաղ Պետքարտուղարությունն ԱՄՆ-ի քաղաքացիներին խորհուրդ էր տվել մինչև հունիսի 13-ը զերծ մնալ նաև Ռուսաստան այցելելուց: