Չինաստանում առգրավել են ֆուտբոլի Աշխարհի կեղծ գավաթները

01:14 • 19.04.14

Ֆուտբոլի Աշխարհի կեղծ գավաթի ավելի քան հազար օրինակ է առգրավվել Չինաստանում: Այս մասին հաղորդում է Интерфакс-ը՝ հղում կատարելով Daily Mail-ին:


Չինաստանի իրավապահ մարմինները պահեստներից մեկում FIFA-ի գավաթի 1020 կրկնօրինակ են հայտնաբերել, որի բնօրինակը 18 կարատանոց ոսկուց է պատրաստված և 6 կգ է կշռում:


Այն հայտնաբերվել է Իու քաղաքի Չժեցզյան մարզում և պետք է ուղարկվեր Լիբիա: Ապրիլին Չինաստանի իշխանությունները Բրազիլիայում անցկացվող աշխարհի գավաթի նախօրեին ֆուտբոլի գավաթների կեղծման հետ կապված մեծ արշավ էին սկսել:


Չինաստանը կարևոր դեր է խաղում առաջիկա առաջնությունում: Հենց այս երկրի գործարաններն են արտադրում ֆուտբոլային ատրիբուտներ, այդ թվում նաև՝ 2014թ.-ի աշխարհի առաջնության պաշտոնական թալիսմանը: