Պուտինն «ուղիղ կապի» ժամանակ սպառիչ պատասխան տվեց իր անձնական կյանքի մասին հարցին. Պեսկով
Ռուսաստանի Դաշնության նախագահ Վլադիմիր Պուտինը, օրերս կայացած ամենամյա «ուղիղ կապի» ժամանակ պատասխանելով առաջին տիկնոջ վերաբերյալ հարցին, սպառիչ պատասխան է տվել իր անձնական կյանքի մասին։ Ինչպես նշում է Взгляд-ը, այս մասին ասել է Պուտինի մամուլի քարտուղար Դմիտրի Պեսկովը։
Նա նաև խոստովանել է, որ նախագահը միգուցե նախապես է պատրաստվել այդ հարցի պատասխանին։
Մամուլի քարտուղարն ընդգծել է, որ նախագահի անձնական կյանքի հանդեպ հետաքրքրությունը միշտ էլ մեծ է եղել, դե իսկ ամուսնալուծությունից հետո այն է՛լ ավելի է ավելացել։
«Ուստի, նա ճիշտ համարեց վերջնական, սպառիչ պատասխան տալ և արեց դա»,- շարունակել է Պեսկովը։
Ինչպես ավելի վաղ հայտնել էր Tert.am-ը, Պուտինը, պատասխանելով հարցին, թե երբ է Ռուսաստանը տեսնելու նոր առաջին տիկնոջը, ասել է, որ սկզբից պետք է նախկին կնոջն ամուսնացնի, իսկ հետո նոր մտածի իր մասին։
Հիշեցնենք, որ նախագահն իր կնոջից ամուսնալուծվելու մասին պաշտոնապես հայտնել էր 2013թ.։










