Ղրիմում պատրաստվում են «ռուսական Լաս Վեգաս» ստեղծել. Պուտինն առաջարկել է խաղային գոտի ստեղծել թերակղզում
ՌԴ նախագահ Վլադիմիր Պուտինը Պետդումա է մտցրել օրենքի նախագիծ, որով նախատեսվում է Ղրիմում խաղային գոտի ստեղծել: Դա կլինի 5-րդ խաղային գոտին Ռուսաստանի տարածքում, հայտնում է gazeta.ru-ն:
Ստեղծվելիք խաղային գոտու սահմանները կորոշեն այդ հանրապետության գործադիր իշխանության մարմինները:
Ավելի վաղ Ղրիմի ղեկավարի պաշտոնակատար Սերգեյ Աքսյոնովն ասել էր, որ Ղրիմի տարածքում խաղային գոտիների ստեղծման հարցը կլուծվի մինչև մայիսի 1-ը:
«Ամբողջ Ղրիմի տարածքում խաղատներ ու խաղային գոտիներ չեն լինի: Ամեն ինչ կենտրոնացած կլինի մեկ տեղում»,- ասել էր պաշտոնյան։










