ԱՄՆ-ում 3-ամյա երեխան պատահաբար սպանել է եղբորը
Ամերիկյան Յուտա նահանգի Քոլեջ Ուորդ քաղաքում 3-ամյա աղջիկը պատահաբար հրացանից կրակել է 2-ամյա եղբորը, հայտնում է gazeta.ru-ն՝ The Herald Journal-ին հղումով։
Ոստիկանության համաձայն՝ աղջիկը տանը գտել է իր հոր հրացանը և կրակել եղբորը։ Փամփուշտը դիպել է տղայի որովայնին։ Երեխան անմիջապես հոսպիտալացվել է, սակայն նրա կյանքը փրկել չի հաջողվել։
Ինչպես պարզվել է, հրացանը լիցքավորված չի եղել։ Թե ինչպես է երեխային հաջողվել լիցքավորել այն, հայտնի չէ։
Նաև հաղորդվում է, որ ծնողներն այդ ժամանակ տանն են եղել, սակայն երեխաներին անուշադրության են մատնել։










