Համաշխարհային շուկայում են հայտնվել փոշու տեսքով ալկոհոլային խմիչքներ. ԶԼՄ-ներ

13:33 • 21.04.14

Համաշխարհային շուկայում է հայտնվել նորույթ՝ փոշու տեսքով ալկոհոլային խմիչքներ, հայտնում է ԻՏԱՌ ՏԱՍՍ-ը՝ վկայակոչելով Times-ին:

 

Նորույթը կոչվում է Palcohol, հեղինակել է ամերիկացի Մարկ Ֆիլիփսը, ով ոլորտի հայտնի մասնագետ է: Առայժմ շուկայում են չոր օղու, ռոմի փոշին։ 

 

Այս նորույթն օրերս բոլոր անհրաժեշտ արտոնագրերն էր ստացել ԱՄՆ-ում սննդային շուկան կարգավորող պետական մարմիններից։

Շուտով Palcohol-ը կհայտնվի նաև այլ երկրների շուկայում, հնարավոր կլինի ձեռք բերել նաև առցանց:

Ըստ մամուլի՝ նորույթը տարբերվում է չոր սպիրտից և փոշի-ալկոհոլից, որն այսօր էլ վաճառվում է Գերմանիայում, Նիդեռլանդներում, Ճապոնիայում:

 

Նորույթը հնարավոր է օգտագործել նաև տարբեր ճաշատեսակների մեջ ավելացնելով: