Շրի Լանկայում զբոսաշրջիկն արտաքսվել է Բուդդայի դաջվածքի համար
Շրի Լանկայում կին զբոսաշրջիկ է ձերբակալվել, ապա արտաքսվել Բուդդայի պատկերով դաջվածքի պատճառով, հայտնում է France Presse-ը։
Զբոսաշրիջիկը բրիտանուհի է, դաջվածքը նրա աջ ձեռքին է, դրանում Բուդդան պատկերված է լոտուսի ծաղկին նստած, կնոջ անունը չի հրապարակվում:
Կինը ձերբակալվել էր երկուշաբթի Շրի Լանկայի գլխավոր օդանավակայանում, ապա հանձնվել մագիստրատի դատին, որոնք էլ որոշել էին արտաքսել նրան:
Անցած տարի մարտին Շրի Լանկան նույն կերպ արգելել էր մեկ այլ նման դաջվածք ունեցող զբոսաշրջիկի մուտքը՝ նրան մեղադրելով բուդդիզմի հանդեպ անարգանքի համար: Ավելի վաղ 2 ֆրանսիացի էլ ազատազրկվել էին Բուդդայի արձանը համբուրելու համար:
Շրի Լանկան բուդդիստական մեծամասնությամբ երկիր է, որտեղ զգայուն են իրենց կրոնին սպառնացող պոտենցիալ վտանգներին:










