Իրանի նախագահին քննադատել են առաջին տիկնոջ շքեղ երեկույթի պատճառով

16:00 • 23.04.14

Իրանցի պահպանողական օրենսդիրները խստորեն քննադատել են երկրի նախագահ Հասան Ռոհանիին՝ նրա կնոջ՝ Սահեբեհ Արաբիի կազմակերպած շքեղ խնջույքի պատճառով, հայտնում է Al Arabiya-ն։

 

Միայն կանանց մասնակցությամբ երեկույթը, որն ըստ պահպանողականների՝ եղել է «շքեղության պարահանդես», կազմակերպվել է Թեհրանի հյուսիսում՝ տապալված շահ Մոհամմեդ Ռեզայի պալատում։ Միջոցառումը նվիրված է եղել Կանանց օրվան, ինչպես նաև համընկել է Մուհամմեդ մարգարեի դուստր Ֆաթիմայի ծննդյան օրվա հետ։

 

Պատգամավորների կարծիքով՝ նախագահի ու նրա կնոջ նման շքեղ ապրելակերպը լիովին հակասում է արևմտյան տնտեսական պատժամիջոցների պատճառով ծանր պայմաններում ապրող շարքային իրանցիների կենսակերպին։