Գերմանացին դատի է տվել տուրընկերությանը թուրք մոլլայի պատճառով

16:00 • 24.04.14

Գերմանիայի մի քաղաքացի 1.161 եվրո փոխհատուցում է պահանջել այն տուրընկերությունից, որի պատճառով ինքը ստիպված է եղել անհանգիստ քնել Թուրքիայում անցկացրած արձակուրդի ընթացքում։ 

 

Ինչպես նշում է Euromag-ը, տղամարդը պնդում է, որ թուրքական հյուրանոցում, որտեղ իրեն տեղավորել է տուրընկերությունը, ինքը չի կարողացել հանգիստ քնել՝ լուսաբացին աղոթքի կանչող մոլլայի ձայնի պատճառով։

 

Ուստի արձակուրդից վերադառնալով հայրենիք՝ գերմանացին դիմել է Հանովերի դատարան։ Սակայն դատարանը մերժել է  հայցը՝ բացատրելով գերմանացուն, որ Թուրքիան մուսուլմանական երկիր է, ուստի մոլլայի կանչն առավոտյան միանգամայն բնական երևույթ է, ինչպես որ եկեղեցու զանգերի ղողանջը քրիստոնեական երկրներում։