Բաքվում լրագրող է հարձակման ենթարկվել
Բաքվում հարձակման է ենթարկվել «Ենի Մուսավաթ» թերթի խմբագիր Ֆարահիմ Իլգարօղլուն, տեղեկացնում է Haqqin.az-ը։
Համաձայն տարածված տեղեկատվության՝ այսօր առավոտյան լրագրողի տան շքամուտքում նրա վրա է հարձակվել անծանոթ մի անձ։
Հարձակվողը բռնել է լրագրողի կոկորդից և ծեծել է նրան։ Այն պահին, երբ անհայտ անձը գրպանից հանել է դանակը, վրա են հասել հարևանները, և հանցագործը փախուստի է դիմել։
Լրագրողը դիմել է ոստիկանություն։










