Նյու Յորքում կրկնել են հանրահայտ «Հաղթանակի համբույր» լուսանկարի համբույրը (տեսանյութ)
Նյու Յորքում վերստեղծել են Երկրորդ համաշխարհային պատերազմի ավարտի կապակցությամբ արված «Հաղթանակի համբույր» հանրահայտ լուսանկարի սյուժեն։ Լուսանկարում մարդիկ տոնում են երկար սպասված լուրը:
Այս տարի տոնակատարության գլխավոր հերոսներն են դարձել պատերազմի 90-ամյա վետերան Սինդոր Թոմփսոնը և նրա կինը՝ վետերան Հենրիետա Թոմփսոնը, գրում է segodnya.ua-ն։
Նրանք ցույց են տվել երիտասարդներին, թե ինչպես պետք է համբուրվել և տոնել հաղթանակը։ «Ես շատ ուրախ եմ լինել այստեղ և օգնել վերականգնել 1945թ. տրամադրությունը։ Շնորհակալություն»,- ասել է Հենրիետա Թոմփսոնը։
«Ամենալավ բանը, որ ես արել եմ իմ կյանքում, դա սիրելիիս հետ ամուսնանալն էր»,- ասել է վետերանը։
Պատերազմի վետերաններից շատերը դեռ ողջ են, նրանք 90 տարեկան են կամ ավել, սակայն նրանք կարող են և՛ համբուրվել, և՛ պատմել այն հիշարժան օրվա մասին, երբ ավարտվեց պատերազմը։
1945թ. օգոստոսի 14-ին ավելի քան 2 մլն մարդ հավաքվել է Թայմս սքուեր հրապարակում՝ սպասելով պատերազմի ավարտի մասին լուրին։ Հենց այդ օրն էլ լուսանկարիչ Ալֆրեդ Էյզենշտադթն արել է իր հայտնի լուսանկարը, որում ծովագնացը համբուրում է բուժքրոջը։











