Ալժիրում ուկրաինական օդանավ է կործանվել
Ալժիրի հարավում ուկրաինական օդանավ է կործանվել, հայտնում է Al Arabiya-ն:
Օդանավում եղել է յոթ ուղևոր: Նրանց քաղաքացիությունը հայտնի չէ:
«ՌԻԱ Նովոստի» գործակալությունը հստակեցնում է, որ վթարը տեղի է ունեցել Երևանի ժամանակով առավոտյան 05.30-ի սահմաններում Ալժիրի Թամանռասսեթ նահանգում: Ан-12 օդանավն ուղևորվելիս է եղել Հասարակածային Գվինեա:
Օդանավն ընկել է օդ բարձրանալուց երեք րոպե անց: Դեպքի վայրում են ալժիրցի զինվորականները: Բոլոր ուղևորները զոհվել են:










