Բոլիվիայում զբոսաշրջիկներով ավտոբուս է շրջվել, կա 10 զոհ

11:00 • 31.08.14

Բոլիվիայում զբոսաշրջիկներով ավտոբուս է շրջվել, որի հետևանքով 10 մարդ է զոհվել, այդ թվում նաև 8 արտասահմանցիներ, հայտնում է Associated Press-ը:


Տեղի ոստիկանությունը հայտնել է, որ ավտոբուսը ուղևորներին փոխադրում էր Սալար դե Ույունի բնակավայրից դեպի Լա-Պաս: Դեպքը տեղի է ունեցել Բոլիվիայի մայրաքաղաքից 290 կմ դեպի հարավ:


Նախնական տվյալներով՝ ավտոբուսը դուրս է եկել ճանապարհի երթևեկելի մասից և շրջվել: Զոհերի թվում են՝ մեկ ավստրալիացի, երկու շվեյցարացի, երկու իտալացի և մեկ պերուացի: 


Երկու անձանց քաղաքացիությունը դեռ չի պարզվել: Ավտոբուսի վարորդը ևս մահացել է վթարի հետևանքով: