Օբաման որոշել է հետաձգել միգրացիոն բարեփոխումը

11:29 • 07.09.14

ԱՄՆ Նախագահ Բարաք Օբաման հետաձգել է միգրացիոն քաղաքականության բարեփոխման մեկնարկը: Բարեփոխումը նախատեսվում էր սկսվել մոտ ժամանակներս, գրում է korrespondent.net-ը: 

Հունիսին Օբաման խոստացել է փոխել վիզային կանոնները, որպեսզի բարձրացնի սահմանի անվտանգությունը և հնարավորություն տա 11 միլիոն ոչ օրինական ներգաղթյալներին, ովքեր գտնվում են երկրում, ստանալ ԱՄՆ քաղաքացիություն: 

Այնուամենայնիվ, բարեփոխման սկիզբը որոշել են հետաձգել մինչ նոյեմբերին խորհրդարանական ընտրությունների անցկացումը: 

Խնդիրն այն է, որ ամերիկա-մեքսիկական սահմանն ամեն տարի հատում են տասնյակ հազարավոր անօրինական ներգաղթյալներ: Նրանց զգալի մասը որբ երեխաներ են: Օբաման այդ իրավիճակն անվանել է հումանիտար աղետ: 

ԱՄՆ Նախագահն առաջին տարին չէ, որ փորձում է ստանալ Կոնգրեսի աջակցությունը, բայց հանրապետական կուսակցությունը խանգարում է նրա պլաններին: Սպիտակ տան ներկայացուցիչները շաբաթ օրը հայտարարել են, որ հանրապետականները «չափազանց շատ քաղաքականացնում են հարցը», ինչը երկարաժամկետ կտրվածքով վնաս կբերի: