12-ամյա տղան բարձրացել է 11-րդ հարկի պատուհանահարթակին` տնային առաջադրանքները չանելու համար (լուսանկարներ)
Չինացի աշակերտը երկու ժամ շարունակ նստած է մնացել իր ննջասենյակի պատուհանի տակ գտնվող նեղ քիվին` փորձելով խուսափել մոր պատժից տնային առաջադրանքները չկատարելու համար:
Ինչպես հայտնում է Daily Mail-ը` 12-ամյա Սիաո Կայը դուրս է մագլցել 11-րդ հարկում գտնվող բնակարանի պատուհանից և տեղավորվել պատուհանի տակ գտնվող հարթակի վրա: Միջադեպը տեղի է ունեցել Չինաստանի հարավարևմտյան Սիչուան նահանգի Յիբին քաղաքում:
Երեխան մայրիկի հետ վիճել է` հրաժարվելով կատարել տնային առաջադրանքները, քանի որ այդ օրը դասեր չուներ` կապված Աշնանային փառատոնի տոնակատարությունների հետ:
Տղան հրաժարվել է ոստիկանների օգնությունից և երկու ժամ մնացել այնտեղ, ապա նրան կարողացել են ներս բերել պարանի օգնությամբ:










