Ուկրաինայում նոր կուսակցություն է ստեղծվել, որը գլխավորել են վարչապետն ու խոսնակը
Ուկրաինայի վարչապետ Արսենի Յացենյուկն ընտրվել է ուկրաինական նոր «Ժողովրդական ճակատ» կուսակցության քաղխորհրդի ղեկավար, հայտնում է «ՌԻԱ Նովոստի» գործակալությունը:
Իսկ Գերագույն ռադայի խոսնակ Ալեքսանդր Տուրչինովն ընտրվել է կուսակցության կենտրոնական շտաբի ղեկավար:
Տուրչինովը հայտարարել է, որ կուսակցության հաջորդ նիստին ծրագրվում է հաստատել «Ժողովրդական ճակատի» ծրագիրը, ինչպես նաև՝ որոշում կայացնել առաջիկա արտահերթ խորհրդարանական ընտրություններին մասնակցության առիթով:
Տուրչինովն ու Յացենյուկն ավելի վաղ դուրս էին եկել նախկին վարչապետ Յուլյա Տիմոշենկոյի «Հայրենիք» կուսակցությունից:










